Mərkəzdən Aztibb.az-a verilən məlumata görə, tədbirdə Mərkəzin rəhbərliyi, struktur bölmələrin əməkdaşları və tibb kollektivi iştirak edib. Çıxış edənlər əməyin mühafizəsinin təmin olunmasının əhəmiyyətindən bəhs edərək, iş mühitində təhlükəsizlik qaydalarına riayət olunmasının hər bir əməkdaşın sağlamlığının qorunmasında mühüm rol oynadığını vurğulayıblar.

 

Bildirilib ki, Respublika Pediatriya Mərkəzində əməyin mühafizəsi və təhlükəsiz iş şəraitinin yaradılması istiqamətində mütəmadi tədbirlər görülür, əməkdaşlar üçün maarifləndirici təlimlər təşkil edilir və mövcud standartlara uyğun nəzarət mexanizmləri tətbiq olunur.

 

Tədbir çərçivəsində əməyin mühafizəsi sahəsində aktual məsələlər müzakirə olunub, iş yerlərində təhlükəsizlik qaydalarına dair təqdimatlar edilib. Sonda iştirakçıları maraqlandıran suallar cavablandırılıb və fikir mübadiləsi aparılıb.