Pnevmokok – pnevmoniya və meningit kimi kəskin - infeksion xəstəliklər və onların ağır fəsadlarına səbəb ola bilən bakteriyadır. 90-dan çox pnevmokok növü məlumdur. Onlardan bəziləri otit, sinusit, pnevmoniya, meningit və sepsis kimi infeksiyalara səbəb olur.

 

Aztibb.az-ın xəbərinə görə, pnevmokok infeksiyası pnevmokoklar tərəfindən törədilən qulaq, ağciyər, qan və beyin infeksiyalarına səbəb olan təhlükəli infeksiyadır. Bu infeksiya hava damcı yolu ilə öskürmə, asqırma zamanı yayılır. Bəzi uşaqlarda infeksiyanın əlamətləri aydın müşahidə edilməsə də, onların burun boşluğu və boğazlarında bakteriya ola bilər və ondan infeksiyanı yaya bilər.

Pnevmokok infeksiyasının təsir göstərdiyi bədən üzvündən asılı olaraq aşağıdakıları əhatə edir:

 

1) Ağciyər infeksiyasına səbəb olan pnevmokok infeksiyasının əlamətləri:

• Qızdırma

• Nəfəsalmanın tezləşməsi və çətinləşməsi

• Sinədə ağrılar

2) Orta qulaq infeksiyasına səbəb olan pnevmokok infeksiyasının əlamətləri:

• Qulaq ağrıları

• Qızdırma və yoluxuculuq

3) Meningitə səbəb olan pnevmokok infeksiyasının əlamətləri:

• Boyun əzələlərinin gərginliyi

• Baş ağrısı

• Yüksək qızdırma

• İşığa qarşı həssaslıq

• Sayıqlığın azalması

• Qusma

 

Xüsusilə, 2 yaşa qədər uşaqlarda bu xəstəlik ciddi ağırlaşmalara, əlilliyə və ölümə səbəb ola bilər. Belə olan halda uşaqların peyvənd olunması xüsusi əhəmiyyət kəsb edir.