Azərbaycan Respublikası Dövlət Gömrük Komitəsi Tibbi Xidmət İdarəsinin rəis müavini, Mərkəzi Gömrük Hospitalının toksikoloqu, t.ü.f.d., dosent İsmayıl Əfəndiyev UNİCEF-in dərc etdiyi “Azərbaycanda uşaqların ətraf mühit amilləri ilə bağlı sağlamlığına dair vəziyyətin təhlili” adlı metodoloji kitabın həmtərtibçisi olub.

 

Aztibb.az-a Mərkəzi Gömrük Hospitalından verilən xəbərə görə,nəşr olunmuş metodoloji kitab ətraf mühitdə baş verən neqativ dəyişikliklərin, eləcə də ətraf mühit amillərindən sayılan qurğuşunun, civə, kadmium, arsen və digər ağır metalların böyüməkdə olan uşaq orqanizminin inkişafına göstərdiyi zərərli təsirləri barədə geniş məlumat verilib.

 

Metodoloji kitabın dərc olunmasının əsas məqsədi ölkədə uşaqların ətraf mühit amillərindən irəli gələn sağlamlıq prpblemləri üzə çıxarmaq və bu istiqamətdə hökümətin apardığı düzəldici fəaliyyətlərə dəstək göstərmək olub.

 

Qeyd edək ki, Azərbaycan Respublikası Səhiyyə Nazirliyi və UNİCEF-in Azərbaycandakı nümayəndəliyinin birgə əməkdaşlığı çərçivəsində ölkəmizdə uşaqların ətraf mühit amilləri ilə bağlı sağlamlığına dair ölkə üzrə qiymətləndirmə aparılmış və mövcud vəziyyətin təhlili həyata keçirmişdir.