TƏBİB-in Davamlı tibbi təhsil şöbəsinin müdiri t.e.d Emil İskəndərov və Respublika Təcili və Təxirəsalınmaz Tibbi Yardım Mərkəzinin direktoru t.ü.f.d. Mirələm Cəlalovun müəllifi olduqları elmi məqalə ABŞ-ın impakt faktoru 1.2357 olan "International Journal of Surgery & Surgical Techniques" jurnalında dərc olunub.
Aztibb.az-a TƏBİB-dən verilən xəbərə görə, məqalədə teletəbabətin regional xəstəxana səviyyəsində təcili abdominal cərrahi əməliyyatlar zamanı uğurlu istifadəsinin nəticələri əksini tapıb. Həmçinin teletəbabətin tətbiqi hesabına kəskin cərrahi patoloji hallarda ilkin cərrahi müdaxilə barədə də məlumat verilib.
Bundan başqa, regionda fəaliyyət göstərən cərrahın Bakıda yüksək ixtisaslı mütəxəssis tərəfindən konsultativ yardım alması nəticədəsində regionlarda təcili cərrahi əməliyyatlar zamanı ağırlaşmaların rast gəlmə tezliyinin və letallığın azaldılması sahəsindəki uğurlar ətraflı şərh olunub.