Nəticələri məşhur "Cell Metabolism" elmi jurnalında dərc olunan elmi araşdırmanın bir hissəsi olaraq alimlər siçanların ömrünü uzatmaq üçün üsul kəşf ediblər.

Aztibb.az “Involta media” nəşrinə istinadən xəbər verir ki, burada əsas beyin və yağ toxuması arasında siqnal mübadiləsində rol oynayan spesifik beyin hüceyrələrinin aktivləşdirilməsi olub.

Tədqiqatın əsas aspekti isə yaşlanma proseslərinin, xüsusən də hüceyrələr arasında molekulyar siqnalların ötürülməsinin pisləşməsinin öyrənilməsi idi. Elm adamları beyin və ağ yağ toxuması arasındakı qarşılıqlı əlaqəyə diqqət yetiriblər. Onlar müəyyən beyin hüceyrələrinin Ppp1r17 adlı zülal istehsal etdiyini müəyyən ediblər ki, bu da yağ hüceyrələrini fiziki fəaliyyəti saxlamaq üçün lazım olan turşuları buraxmaq üçün stimullaşdırır. Buna cavab olaraq, yağ toxuması beynə qayıdan və onu enerji ilə təmin etməyə kömək edən eNAMPT proteinini istehsal edir.

Qeyd etmək lazımdır ki, yaşlanma ilə tədricən bu qarşılıqlı əlaqə sistemi zəifləyir, bu da yağların yığılmasına və toxumaların enerji təchizatının pisləşməsinə səbəb olur.

Yeni təcrübədə tədqiqatçılar beyin və yağ toxuması arasındakı əlaqənin daim aktiv olduğu genetik cəhətdən dəyişdirilmiş siçanlar üzərində işləmişlər. Alimlər insanlara əlavə beş il aktiv həyat bəxş edə biləcəklərini müəyyən edilblər. Bundan əlavə, normal siçanların ağ piy toxumasının yaşla birlikdə sinir sisteminin kiçilməsi, dəyişdirilmiş siçanlarda isə sıx qaldığı müşahidə edilib.

Araşdırma göstərib ki, beynin müəyyən hissələrini manipulyasiya etməklə qocalma prosesini yavaşlatmaq və sağlam ömrü uzatmaq mümkündür. Bənzər bir təsirin məməlilərdə müşahidə edilməsi bu mövzunun elmi dərk edilməsinə mühüm töhfə verir. Əvvəllər belə tədqiqatlar yalnız qurdlar və meyvə milçəkləri kimi daha az mürəkkəb orqanizmlər üzərində aparılıb.