Yeni bir araşdırma, ketogenik kimi aşağı karbohidratlı bir pəhrizin vaxtından əvvəl ölüm riskini təxminən 38 faiz artıra biləcəyini ortaya qoyub.

Aztibb.az medimagazin.com.tr-yə istinadla bildirir ki, Harvard və Tulane universitetlərindən olan tədqiqatçılar müəyyən ediblər ki, az yağlı pəhriz qəbul etmək hər il ölüm riskini 34 faizə qədər azalda bilər. Araşdırma nəticəsində məlum olub ki, aşağı karbohidratlı pəhrizlər ölüm riskini 38 faizə qədər artırıb.

Tədqiqat üçün 1990-cı illərə aid 50-71 yaş arası 371.159 amerikalıdan məlumatlar toplanılıb.

İştirakçılardan 124 müxtəlif qidanı nə qədər tez-tez yediklərini soruşan tədqiqatçılar bir insanın nə qədər tez-tez karbohidrat və yağ yediyini hesablayıblar. Mütəxəssislər müəyyən ediblər ki, sağlam olub-olmamasından asılı olmayaraq, az yağlı pəhrizə riayət edən insanların, yüksək yağlı pəhriz saxlayan insanlarla müqayisədə vaxtından əvvəl ölüm şansı əhəmiyyətli dərəcədə azalıb.