Bir əsr əvvəl mikrobiologiya və biyokimya elmdə əsaslı bir dəyişikliklərə yol açırdısa, hazırda bu missiyanı perspektivli tibbin əsasını təşkil edən bioinformatika, tibbi informatika, biostatistika kimi yeni elmi istiqamətlər həyata keçirir.

Aztibb.az xəbər verir ki, perspektivli tibb xəstəliklərin başlanğıcının aşkarlanmasına, xəstəliklərin inkişaf riskinin müəyyənləşdirilməsinə və müalicə üçün erkən müdaxiləyə yönəlmiş səhiyyə xidmətləridir.

Mövcud diaqnoz və müalicə təcrübəsində həkimlər üçün ilkin əsas xəstənin şikayətidir. Perspektivli diaqnoz və müalicə üçün isə daha çox epidemioloji, genetik, ətraf mühit və həyat tərzi amilləri təhlillər aparmaqla qiymətləndirilir.

Gələcək tibbin inkişafında genomik, proteomik və metabolomika texnologiyaları xüsusi əhəmiyyət kəsb edir. Bu texnologiyalar vasitəsiylə insanlarda müəyyən xəstəliklərə tutulma riskini müəyyənləşdirmək, xəstəliyin başlanğıcını təyin etmək və maksimum faydalı nəticə əldə etmək perspektivli səhiyyə modellərinin yaradılması üçün əsas hesab olunur.  

Fərdi sağlamlıq planlaşdırması  

Fərdi sağlamlıq planları və bunların həyata keçirilməsi mexanizmləri perspektivli səhiyyə xidmətlərinin mühüm bir hissəsini təşkil edir. Müasir tibbdə xroniki xəstəliklərin inkişaf tempini minimuma endirmək üçün müəyyən qoruyucu tədbirlərin görülməsi ilə yanaşı, fərdi sağlamlıq planlaması mütləqdir. Planlama şəxsin sağlamlıq profilini, mövcud sağlamlıq vəziyyətinin təsvirini, sağlamlıq riski analizini (genetik, ətraf mühit və həyat tərzi aspektləri) və s. göstəriciləri ehtiva edir. 

Perspektivli səhiyyə: tibbin inkişafında növbəti dövr  

Tibbin növbəti inkişaf dövründə səhiyyə xidmətlərində ən vacib nüans xəstəlik risklərinin yüksək qiymətləndirilməsidir. Bu baxımdan perspektivli tibb xəstəlikləri proqnozlaşdırmaq və daha yaxşı diaqnoz və müalicə üçün yeni texnologiyaların tətbiqini dəstəkləyir. Dünyanın bir çox ölkələrində tibb müəssisələrində artıq perspektivli səhiyyə xidmətini inkişaf etdirmək üçün pilot proqramlara başlanılıb. Bu sahədə çalışan mütəxəssislər perspektivli tibbin insanların sağlamlığını yaxşılaşdırmaq üçün ən səmərəli model olma vədini yerinə yetirə biləcəyinə inanırlar.  

Beləliklə tibb tarixində yeni bir dövrün başlanılmasına yol açılır.