Rusiyalı elm adamları histoloji müayinə üçün yeni texnika hazırlayıblar. Bu kəşf sayəsində xərçəng xəstələrinin təkrar əməliyyatlara ehtiyacı qalmayacaq. 

Aztibb.az xəbər verir ki, bu barədə “FederalPress” nəşri məlumat yayıb.

Bu, bir neçə dəqiqə ərzində toxuma və orqan biopsiyalarının ilkin təhlilinə imkan verir.

Yeni texnologiya ilə həkimlər mikroskopik diaqnostik işlərdən azad edilir, eləcə də tibb müəssisələrinin yükü aradan qaldırılır.

Adətən onkoloji şişlər bir neçə mərhələdə araşdırılır və təhlil edilir. Nümunədə bir sıra patoloji faktorlar varsa, xəstə ikincil əməliyyata göndərilir.

Yeni histoloji müayinə texnologiyası tipik prosesi iki gündən beş dəqiqəyə qədər azaldır.