Broyler toyuqlarına hər gün yumurta verməsi üçün verilən dərmanlar kişilərdə süd vəzlərində böyümələrə səbəb olur, prostat vəzdə hiperplaziya 2 dəfə artıq rast gəlinir. Kişilərdə tüklər tökülür, qadın tipli tüklənmə yaranır.

Aztibb.az xəbər verir ki, bunu həkim-fitoterapevt Fizuli Hüseynov broyler toyuğunun insan orqanizminə təsirindən danışarkən deyib.

O, bildirib ki, broyler toyuqları təkcə kişilərə deyil, qadınlara da təsir edir.

"Bu günlərdə süd vəzin və uşaqlığın xərçəngi neçə dəfə artıb. Qız uşaqlarında erkən aybaşı halları, gənc qadınlarda aybaşı pozulmalarının olması həmin dərmanların nəticəsidir.

Ümumiyyətlə, qadın xəstəlikləri, sonsuzluq son dərəcə artıb və artmaqda da davam edir".

"Broyler toyuğu şok verməklə öldürülür. Şok verilməyin nə olduğunu izah edim. Kəsilmədən öncə toyuğa elektrik şoku verilir və sonra başı kəsilir, bu zaman 200 qrama yaxın qan toyuğun bədənində qalır.  Bundan başqa bəzi fərdlər elektrik şokunun təsirinə dözməyib ölür, başları aparat vasitəsilə kəsilir.

Onu da qeyd edim ki, broyler toyuğunun 1 kq olması üçün cəmi 3.2 kq yem sərf olunur. Özü də geni dəyişdirilmiş soyadan hazırlanmış yem. Belə toyuqlar fermada o qədər zərif olurlar ki, qucağa alınanda sümükləri sınır, bunun səbəbi yetişdirildiyi qısa müddət ərzində toyuğun kifayət qədər kalsium almaması və sümüklərinin bərkiyə bilməməsidir", - deyə həkim qeyd edib.

Həkim qeyd edib ki, kənd toyuğundan və yumurtasından istifadə etmək, broyler toyuğunu yemək məcburiyyəti olduqda onu arabir qəbul etmək lazımdır.

"Broyler toyuğu bir dəfə yeyildikdən sonra bir həftə ara vermək lazımdır. Bu zaman toyuqların kanserogen, yəni xərçəng törətmə təsiri az olur, orqanizm özü xərçəng əmələ gəlmə riskini önləyir.

Kənd toyuğu kalsium, dəmir və ən əsası zülalla zəngindir, həmin zülallar bədən hüceyrələrinin yenilənməsini təmin edir. Toyuq əti qanda xolesterin səviyyəsi yüksək olanlar və piylənmədən əziyyət çəkənlər üçün əvəzolunmazdır".