Bəzi xəstəliklər qanın laxtalanma qabiliyyətinin çox olmasından əmələ gəlir. İnfarkt, insult, tromboflebit, venaların varikoz genəlmələri, babasil və s. kimi xəstəliklərin əmələ gəlməsinə qan laxtalanmasının yüksək olması səbəb olur.

Laxtalanmaya meyilli qanda asanlıqla tromblar əmələ gəlir. Trombların ürəkdə, beyin damarlarında tıxanıb qalması həmin nahiyəyə oksigenin getməməsinə səbəb olur. Tutulmuş nahiyəyə qanın işləməməsi orada oksigen çatışmazlığına səbəb olur və xəstəlik əmələ gəlir.

Buna görə də qanın laxtalanmasını nəzarətdə saxlamaq və laxtalanma sürətini azaltmaq lazımdır.

Qida rasionuna nəzarət edərək qanın laxtalanmasının qarşısını almaq olar.

Bu qidalar qan laxtalanmasının və tromb əmələ gəlməsinin qarşısını alacaq:

1. Gün ərzində ən azı 5-6 stəkan adi su için. Təbii su qan laxtalanmasının qarşısını alan vasitələrdən biridir.

2. Gündəlik rasionunuza zeytun və ya kətan yağı əlavə edin.

3. Alma sirkəsini suya qatıb için. Bu zaman 1 çay qaşığı sirkəni 1 stəkan ilıq suda həll edin.

4. Hər gün qidalarda zəncəfildən istifadə etmək qan laxtalanmasının qarşısını alır.

5. Hər gün qidanıza soğan və ya sarımsaq əlavə edin.

6. Limonlu su və ya limon şirəsi sıxılmış salatlar qanda tromb əmələ gəlməsinin qarşısını alır.

7. Çuğundur şirəsi  və tünd şokolad qanı duruldur.

8. Balıq və balıq yağı qanın laxtalanmasının qarşısını alır.

9. Hər gün pomidor yemək və ya pomidor şirəsi içmək qanı duruldur.

10. Moruq, qara və ya qırmızı yemişan şirəsi, albalı, kinkan, çiyələk, böyrütkən yemək qan laxtalanmasının qarşısını alır. Bunun üçün hər gün bu meyvələrin birindən ən azı 200 qram yemək lazımdır.

Bu qidalar isə qanın laxtalanmasına səbəb olur:

* ət bulyonu

* kolbasa

* hisə verilmiş qidalar

* ağ çörək

* qaymaq

* itburnu

* banan və manqo  

* bəzi bitkilər pişikotu, gicirtkən, qarğıdalı saçağı, qırxbuğum, dazıotu və s.

Bu bitkilərin dəmləmələrini uzun müddət içdikdən sonra fasilə vermək və sonra yenidən qəbul etmək lazımdır.

Çoxlu miqdarda duzlu qida qəbulu, siqaret, sidikqovucular və hormonal preparatlar da qanın laxtalanmasına səbəb ola bilir.