Qədim zamanlardan müxtəlif bitki yağları təbib və loğmanlar tərəfindən geniş istifadə olunub. Qədim hind təbabəti olan Ayurveda demək olar ki, bütünlüklə yağlara əsaslanır.

Şəfaverici məcunlar orqanizmə müxtəlif yollarla daxil edilib. Kompreslər, vannalar, massaj, bürümə, inqalyasiya, burun-qulaq-boğazdan, ağızda sorulma, aplikasiya, düz bağırsaqdan, aromaseans və içilmə yolu ilə kosmetik, profilaktik və müalicəvi məqsədlə çox geniş tətbiq olunub.

Sonralar "yağ terapiyası" tamamilə unudulmuş və uzun illərdir ki, birtərəfli olaraq yalnız günəbaxan və qarğıdalı yağlarının istifadəsi günümüzdə epidemiya halı almış xroniki iltihabı xəstəliklərə səbəb olmuşdur.

Hazırda yağ terapiyası bu üsulun biliciləri və şəfalı yağ istehsalçılarının birgə səyi ilə dirçəlməkdədir.

Hər bir yağın fərdi, yalnız ona xas xassələri ilə yanaşı, demək olar ki, bütün yağların tərkibində vitamin, antioksidant, efir yağları, bioloji aktiv maddələr mövcuddur. Və müasir, əksər qida maddələri ilə defisitli rasionun bu yağlar vasitəsilə zənginləşdirilməsi həm kosmetoloji, həm də profilaktik və müalicəvi effektə səbəb olur.

Daha bir maraqlı tətbiqi yaşlaşan insanlara aiddir; belə ki, qocalan orqanizm get gedə susuzlaşaraq, daxilən və zahirən sözün əsl mənasında "quruyur" , sərtləşir, ferment və hormonların aktivliyi zəifləyir, bağırsaq fəaliyyəti yarıtmaz olur. Bu zaman "canlı" yağların həm daxili, həm də xarici istifadəsi insanı gerçəkdən canlandıra bilər.

İltihabi - degenerativ xəstəliklərin yaranmasına mühüm "töhfə" vermiş günəbaxan və qarğıdalı yağlarından uzaqlaşıb, təbiətin bəxş etdiyi çeşidli şəfaverici yağlardan yararlanmağın tam zamanıdır.

Badam, alaqanqal, küncüt, kətan, balqabaq, qara zirə, kokos, fındıq, qoz və s. yağlarından müntəzəm, növbəli kurs ilə masaj və daxilə qəbulu (içilməsi) sağlamlığın qorunmasında, gözəlləşməkdə, cavanlaşmaqda, hətta bir çox xəstəliklərin müalicə və profilaktikasında yardımçınız ola bilər!

Lakin bir mühüm nüans var: yağlar mütləq yeni sıxılmış və düzgün qorunmuş olmalıdır. Əks halda faydasından çox zərəri ola bilər.