Akademik M.Ə.Mirqasımov adına Respublika Uşaq Klinik Xəstəxanasının uzman uşaq cərrahı Anar Cəfərov tərəfindən hipospadiya səbəbilə 6 yaşlı pasiyent üzərində cərrahi əməliyyat həyata keçirilib.

 

Respublika Uşaq Klinik Xəstəxanasından Aztibb.az-a verilən məlumata görə, əməliyyat uğurla icra olunub və pasiyent zəruri tibbi xidmətlər göstərildikdən sonra ambulator müalicə üçün evə buraxılıb.

 

Pasiyentin ailəsi tibb müəssisəsinin rəhbərliyinə və əməkdaşlarına təşəkkürünü bildirib.

 

Qeyd edək ki, hipospadiya sidik kanalının anatomik quruluşunun anadangəlmə inkişaf qüsurudur. Bu xəstəlik eyni zamanda el arasında Peyğəmbər sünnəti adı ilə də tanınır. Bu zaman sidik kanalının xarici dəliyi normal yerində – cinsiyyət üzvünün başında deyil, cinsiyyət üzvünün ön səthində, xayalıq yaxud aralıq nahiyəsində xaricə açılır.