Sabunçu Tibb Mərkəzinin direktoru Nurəngiz Bəşirova Azərbaycan Qarabağ Müharibəsi Əlilləri, Veteranları və Şəhid Ailələri İctimai Birliyinin rəhbər şəxsi ilə görüş keçirib.

Mərkəzdən Aztibb.az-a bildirilib ki, görüşdə mərkəzdə göstərilən tibbi xidmətin yüksək səviyyədə olmasından, tibbi personalın xəstələrə həssas yanaşmasından söz açılıb. Bununla da qazi və veteranlara göstərilən diqqət və qayğı yüksək dəyərləndirilib. Həmçinin yaradılan şəraitə görə Sabunçu Tibb Mərkəzinin rəhbər və tibb heyətinə olan minnətdarlıqları diqqətə çatdırılıb.

Sabunçu Tibb Mərkəzinin Şüa diaqnostika şöbəsinin həkim-radioloqu Rəşad Mirzəliyev müharibə veteranlarına, şəhid ailələrinə və qazilərə göstərdiyi həssas və qayğıkeş münasibətə görə Azərbaycan Qarabağ Müharibəsi Əlilləri, Veteranları və Şəhid Ailələri İctimai Birliyinin “Vətənpərvərlik işində xidmətlərinə görə” medalı ilə təltif edilib.