Araşdırma zamanı məlum olub ki, smartfonlarda səs texnologiyasını süni intellektlə birləşdirən yeni üsulla "diabet"i 10 saniyəyə müəyyən etmək olar.

Aztibb.az “Mayo Clinic Proceedings” elmi jurnalında dərc olunan məqaləyə istinadən xəbər verir ki, proqram həlləri üzərində işləyən tədqiqatçıların inkişaf etdirdiyi yeni üsulla, smartfonda çəkilmiş 6-10 saniyəlik səs yazısı ilə diabet diaqnozunun qoyula biləcəyi müəyyən edilib.

Buna uyğun olaraq, 267 nəfərdən 2 həftə ərzində gündə 6 dəfə 6-10 saniyəlik səsli mesaj yazmaq istənilərkən, iştirakçıların boy, çəki, cinsiyyət, 2-ci tip şəkər xəstəliyinin olub-olmadığını müəyyən edə bilən süni intellekt modeli hazırlanıb.

Tədqiqatçılar 18.000-dən çox səs yazısından 14 səs xüsusiyyətlərini təhlil edərək 2-ci tip diabet xəstələrini digərlərindən fərqləndiriblər.

Onlar insan qulağının qəbul edə bilməyəcəyi bir sıra səs xüsusiyyətlərini araşdırıb və bu səslərdəki siqnalları emal edərək səsdə 2-ci tip xəstəliyin yaratdığı dəyişiklikləri aşkar ediblər.

Sözügedən süni intellekt modelinin doğru diaqnoz nisbəti qadınlarda yüzdə 89, kişilərdə isə yüzdə 86 olaraq ölçülüb.

“Səs texnologiyası bu maneələri tamamilə aradan qaldırmaq potensialına malikdir”.

Tədqiqatın aparıcı müəllifi Jaycee Kaufman, araşdırmanın 2-ci tip xəstəliyi olan və olmayan fərdlər arasında əhəmiyyətli səs fərqlərinə diqqət çəkdiyini və diabetin yoxlanılması metodunu təkmilləşdirə biləcəyini vurğulayıb.

Mövcud skan üsullarının çox vaxt tələb etdiyinə və baha başa gəldiyinə diqqət çəkən Kaufmann, "Səs texnologiyasının bu maneələri tamamilə aradan qaldırma potensialı var" deyib.

Beynəlxalq Diabet Federasiyası bildirib ki, bu xəstəliklə yaşayan demək olar ki, hər 2 nəfərdən biri, yəni təxminən 240 milyon insan diabet xəstəliyindən xəbərsizdir və halların təxminən 90 faizi 2-ci tipdir.