Aztibb.az xəbər verir ki, bu fikirləri Mərkəzi Gömrük Hospitalının Cərrahiyyə və orqan transplantasiyası şöbəsinin rəisi, ümumi cərrah, cərrah-transplantoloq Mircəlal Kazımi bildirib. 

 

M.Kazıminin sözlərinə görə, ölkəmizdə transplantasiya xidməti bu əməliyyatdan sonra qurulub, kadrlar yetişib, milli komanda formalaşıb, transplantasiya məfhumu əlçatan ollub, eləc ədə rezidentlər təhsil alıblar: "Bu günə kimi 1500-dən artıq orqan transplantasiyası (qaraciyər/böyrək) icra etmişik. ELTR (European Liver Transplant Registry) expertleri nəticələrimizi Bakıda audit etdikdən sonra bizi ora qəbul edilib".

 

Qaraciyər transplantasiyasının təqribən 15-20% hallarda fəsadlaşabilən (ölüm, qanaxma, öd yolu ağırlaşmaları, damar trombozu, metabolik problemlər, orqanin rəddi, orqanın fəaliyyət göstərməməsi, sepsis, böyrək yetməzliyi, və s.) əməliyyatlardan olduğunu qeyd edən həkim bu barədə dünya mərkəzlərinin statistik nəticələrinin mövcud olduğunu vurğulayıb.

 

"Mən, şəxsən özüm əməliyyatdan öncə xəstənin ailəsi və qohumları ilə görüşür, əməliyyatın bütün risklərini izah edir, onların bütün suallarını cavablandırıram, eyni zamanda ailənin razılığı ilə bu görüşmənin videoçəkilişini edirik. Xəstəxana xidmətləri şöbəsində isə ailə yazılı razılıq kağızını imzalayır. Heç bir ailə "risklərdən xəbərim yox idi və yaxud Mircəlal doktor bizə 100% hər şey yaxşı olacaq dedi" deyə bilməz. Əməliyyat olunan xəstələrin ailələri ilə görüş videosu arxivimizdədir, istənilən zaman təqdim edə bilirik.

 

Həkim, həmçinin icra etdikləri qaraciyər transplantasiyalarının nəticələrini/statistikasını təqdim edib.