Humanist addım kimi dəyərləndirilən orqan bağışlanması pandemiya dövründə azalmaqdadır. Halbuki, minlərlə xəstə həyatda qalması üçün orqan gözləyir.

Aztibb.az xəbər verir ki, buna diqqət çəkmək və orqan bağışlanması ənənəsini təbliğ etmək üçün Ankarada təşkil edilən beynəlxalq karikatura müsabiqəsi sərgisində təsirli əsərlər yer alıb.

Beynəlxalq miqyasda əks-səda doğuran sərgi bir insana həyat bəxş etmək üçün orqan bağışlanmasının əhəmiyyətinə diqqət çəkə bilib. Sərgidəki əsərlər vasitəsiylə insanlara bu mövzuda həssas olmaq çağırışı edilib. Müsabiqədə 40 ölkədən təqdim olunan 950 əsər qiymətləndirilib. Qalib gələn ilk 100 əsər sərgilənməyə layiq görülüb.

Sərgi aprel ayı ərzində davam edəcək.