Tədris Cərrahiyyə Klinikasının travmatoloq-cərrahı Bəhruz Məmmədov tərəfindən 66 yaşlı pasiyent üzərində uğurlu diz protezi əməliyyatı həyata keçirilib.

 

Klinikadan Aztibb.az-a verilən məlumata görə, pasiyent uzun müddətdir diz oynağında ağır artrozdan əziyyət çəkib. Xəstə hərəkət zamanı ağrılarının artdığını, xüsusilə gecə saatlarında narahatlıq yaşadığını və sərbəst şəkildə yeriməkdə çətinlik çəkdiyini bildirib.

 

Aparılan müayinələrdən sonra pasiyentə diz oynağının protezləşdirilməsi tövsiyə olunub və əməliyyat icra edilib. Təxminən 1 saat davam edən cərrahi müdaxilə zamanı diz oynağı protezi yerləşdirilib.

 

Həkimin sözlərinə görə, əməliyyat uğurla başa çatıb və hər hansı fəsad qeydə alınmayıb. Pasiyentin sabahdan etibarən yeriməyə başlaması, ümumi vəziyyəti uyğun olduğu təqdirdə isə yaxın günlərdə evə buraxılması planlaşdırılır.