Azərbaycan Tibb Universitetinin (ATU) oğlanlardan ibarət voleybol komandası “Zəfər Festivalı – 3” layihəsi çərçivəsində ali təhsil müəssisələrinin tələbələri və əməkdaşları arasında təşkil olunmuş yarışın final mərhələsinin qalibi olub. ATU komandası birincilik uğurunda UNEC – Azərbaycan Dövlət İqtisad Universiteti komandası ilə mübarizə aparıb.

Bu barədə Aztibb.az-a ATU-dan bildirilib.

Qeyd olunub ki, Azərbaycan Tibb Universiteti, Yeni Azərbaycan Partiyasının Nəsimi rayon Təşkilatı, Bakı şəhər Gənclər və İdman İdarəsinin birgə təşkilatçılığı ilə reallaşan “Zəfər Festivalı – 3” adlı idman yarışları Ümummilli Lider Heydər Əliyevin anadan olmasının 103-cü ildönümü və 28 May – Müstəqillik gününə həsr olunub.  

Festival 26 may  tarixində başa çatacaq.