Naxçıvan Muxtar Respublikasının səhiyyə naziri Samiq Sadıxov nazirliyin inzibati binasında vətəndaş qəbulu həyata keçirib.
Bu məlumat Aztibb.az-a Naxçıvan MR Səhiyyə Nazirliyindən verilib.
Bildirilib ki, qəbul zamanı vətəndaşların müraciətləri fərdi qaydada dinlənilib, onların qaldırdıqları məsələlərin həlli istiqamətində müvafiq tapşırıqlar verilib.
Görüşdə əsasən tibbi xidmətlərin təşkili, müalicə müəssisələrinin fəaliyyəti, kadr məsələləri və digər səhiyyə sahəsi ilə bağlı müraciətlər yer alıb.
Nazir qeyd edib ki, əhalinin sağlamlığının qorunması, tibbi xidmətin keyfiyyətinin yüksəldilməsi və vətəndaş məmnunluğunun təmin olunması səhiyyə sisteminin qarşısında duran əsas vəzifələrdəndir. Bildirilib ki, qaldırılan məsələlərin qanunvericilik çərçivəsində araşdırılması və operativ şəkildə həll olunması üçün lazımi tədbirlər görüləcəkdir.
