Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin təşkilatçılığı ilə Mərkəzi Gömrük Hospitalında “Cərrahiyyədə anesteziya və analgeziya” mövzusunda seminar keçirilib.

Bu barədə Aztibb.az-a Gömrük Hospitalından məlumat verilib.

Bildirilib ki, seminarda Hospitalın anestezioloq-reanimatoloqu Günel Cəfərova geniş təqdimatla çıxış edərək anesteziyanın növləri, anesteziyanın növündən asılı olmayaraq anestezioloq baxışı, anesteziyaya göstəriş, əks göstəriş və ağırlaşmalar, o cümlədən anesteziya zamanı istifadə edilən preparatlar barədə detallı məlumat verib.

Mərkəzi Gömrük Hospitalının həkim və rezidentlərinin iştirak etdiyi seminar auditoriyanı maraqlandıran sualların cavablandırılması ilə yekunlaşıb.