Səhiyyə Nazirliyi İctimai Səhiyyə və İslahatlar Mərkəzi (İSİM) tərəfindən “Azəriqaz” İstehsalat Birliyində əməkdaşlar üçün “Elektron siqaretin sağlamlığa təsiri” mövzusunda maarifləndirici görüş keçirilib.

 

Mərkəzdən Aztibb.az-a bildirilib ki, görüşdə tütünçəkmənin təhlükəli təsirləri barədə ətraflı məlumat verilib, müasir dövrdə daha çox yayılan elektron siqaretlərin sağlamlığa zərərləri izah olunub.

 

İSİM-in mütəxəssisləri Nərmin Azadova və Şəhla Kazımova elektron siqaretin digər zərərli vərdişlər kimi güclü asılılıq yaratdığını vurğulayaraq, tütünçəkmənin ağır fəsadlarından söz açıblar.

 

Görüşdə iştirakçıları maraqlandıran suallar cavablandırılıb, onlara İSİM tərəfindən hazırlanaraq çap edilən maarifləndirmə materialları təqdim olunub.