Xəstəlik vərəqəsi verilməsi qaydaları Azərbaycan Respublikası Nazirlər Kabinetinin 1993-cü il 8 yanvar tarixli 9 nömrəli qərarına əsasən tənzimlənir. Bu qərara uyğun olaraq ailə həkiminin müvafiq diaqnozu əsasında xəstəlik vərəqələri verilir.
Bu vərəqələr hər dəfə 3 gündən artıq olmayaraq və ya xəstəlik davam edərsə, 3 gün də əlavə edilməklə, ümumilikdə 6 gündən artıq olmayaraq verilir.
Aztibb.az xəbər verir ki, bu barədə TƏBİB-in feysbuk səhifəsində maarifləndirici məlumat paylaşılıb.
Qeyd olunub ki, xəstəlik və ya xəsarət nəticəsində sığortaolunan əmək qabiliyyətini itirdikdə xəstəlik vərəqələri həmin gündən həmin gündən onları vermək hüququna malik olan tibb müəssisələrinin həkimləri tərəfindən verilir. Keçmiş tarixlə xəstəlik vərəqələrinin verilməsi qadağandır. Əmək qabiliyyətinin itirilməsi başlandıqdan sonra xəstəlik vərəqəsinin 6 gün və daha çox artırılması, müalicə həkimi tərəfindən yalnız baş həkimin və ya həmin tibb müəssisəsində təşkil olunmuş həkim-məsləhət komissiyasının təsdiqindən sonra mümkündür.
Xəstəlik və ya xəsarət üzrə xəstəlik vərəqələri sığortaolunanın əmək qabiliyyəti bərpa olanadək və ya tibbi-sosial ekspert komissiyası tərəfindən ona əlillik müəyyən edilənədək bütün müddət üzrə tərtib edilib.
Qeyd edək ki, xəstəlik vərəqəsini 6 gündən çox artırmağa ixtiyar verilmiş şəxslərin hamısına xəstəni şəxsən müayinə etdikdən və tibbi müayinələrin nəticəsini öyrəndikdən sonra xəstəlik vərəqəsini artırmağa icazə verilə bilər. Xəstəlik uzun çəkdikdə bu müayinələr azı hər 10 gündən bir keçirilməlidir
