Kombinə edilmiş peyvəndlər bir inyeksiya vasitəsilə uşağı bir neçə infeksiyadan qoruyur. Bu, həm uşaq üçün ağrılı olan inyeksiyaların sayını azaldır, həm də dəfələrlə tibb müəssisəsinə yaxınlaşmağa ehtiyac olmadığı üçün vaxta qənaət edir.

 

Aztibb.az xəbər verir ki, bu barədə TƏBİB-in sosial şəbəkə hesabında maarifləndirici məlumat paylaşılıb.

 

Qeyd olunub ki, kombinə edilmiş peyvəndlərə QPM (qızılca, parotit, məxmərək əleyhinə), GDT (göyöskürək, difteriya və tetanus əleyhinə) və beşvalentli (göyöskürək, difteriya, tetanus, Hib və Hepatit B əleyhinə) peyvəndlər daxildir.