Belarus Psixi Sağlamlıq Elmi-Praktik Mərkəzinin alimləri siqaretdən imtina üçün rəqəmsal proqram hazırlayıblar.

Aztibb.az-ın dzr.by-a istinadla məlumatına görə, söhbət siqareti tərgitmək istəyən insanın motivasiyasını artıran süni intellekt elementləri olan proqramdan gedir.

Pilot layihə artıq “Sağlamlıq 2025” sərgisində təqdim olunub. Psixi Sağlamlıq Elmi-Praktik Mərkəzinin elmi katibi İnessa Qriqoryeva bildirib ki, hazırda layihə yekunlaşmaq üzrədir. Xəstənin ziyarəti multidissiplinar komandanın müayinəsi ilə başlayır: psixiatr-narkoloq, psixoterapevt və psixoloq. Testdən sonra proqram asılılığı olan insanlara məlumat və bacarıqlardakı boşluğu doldurmağa kömək edir. Beləliklə, xəstə öz zəif nöqtələrini müəyyənləşdirə və siqareti buraxmaq üçün daxili motivasiya tapa bilir.

İnessa Qriqoryeva qeyd edib ki, hər bir iştirakçı fərdi məsləhət alır. Lazım gələrsə, nikotinik turşu və düzəldicilər əlavə olaraq təyin edilir.

Artıq 74 nəfərin Belarusun siqaretdən imtina proqramını sınaqdan keçirdiyi bildirilir. Əsas qrup - 50 xəstə - psixoterapiyaya transkranial maqnit stimullaşdırılması əlavə edib və nəzərəçarpacaq effekt əldə edilib.