Aparılan son araşdırmaların nəticələri göstərib ki, 2010-cu ildən bəri istehsal olunan Avropa şərablarında "əbədi kimyəvi maddələr"dən hesab olunan triftor sirkə turşusunun (TFA) miqdarı kəskin artıb.

Aztibb.az-ın xəbərinə görə, bu barədə "The Guardian" nəşri məlumat yayıb.

Qeyd edək ki, TFA pestisidlərdə və digər məhsullarda istifadə olunan maddədir. Tədqiqat zamanı 1974-2024-cü illər arasında istehsal olunmuş 49 şərab nümunəsi təhlil edilib. 1988-ci ilə qədər istehsal olunmuş şərablarda sözügedən maddəyə rast gəlinməyib. 2010-cu ildən etibarən isə həmin maddənin miqdarında kəskin artım müşahidə olunub. Araşdırma həmçinin göstərib ki, TFA təbii şəkildə parçalanmır və su ilə təmizlənmir. Bundan əlavə, yüksək TFA ehtiva edən şərablarda həm də normadan xeyli artıq pestisid qalıqları aşkar edilib.