Endokrinoloq Zuhra Pavlova qidada duzun depressiyaya səbəb olduğunu bildirib. Qeyd edib ki, duz davranış dəyişiklikləri ilə əlaqəli iltihablı protein IL-17A istehsalını stimullaşdırır.

Aztibb.az xəbər verir ki, bir qrup alimin apardığı araşdırmanın nəticəsi “The Journal of Immunology”də dərc olunub.

Araşdırmada 5 həftə yüksək duzlu yemlə qidalanan gəmiricilərin fəallığı azalıb və onlar ətrafa daha az maraq göstəriblər. Müayinə zamanı onlarda iltihablı zülalın səviyyəsində artım müşahidə edilib.

Lakin IL-17A yeməyən siçanlar depressiv davranış nümayiş etdirməmişlər.

Normadan artıq duzun zərərli olması yeni xəbər deyil. Amma insanlar bunu tez-tez unudurlar. Söhbət təkcə mümkün depressiyadan deyil, həm də digər xəstəliklərin, o cümlədən insult və infarktın inkişaf riskinin artması ilə bağlıdır”.

Həkim xatırladıb ki, ÜST-ün tövsiyə etdiyi norma gündə beş qrama qədər duzdur. Nəinki yemək bişirəndə duz əlavə edilir, həm də “duzsuz” çörəkdə, hətta şirin ketçupda bol olan “gizli” duz var.

Məhsulların tərkibini oxuyun. Əgər duz inqrediyentlər siyahısında birinci yerdədirsə, deməli, o, normadan artıqdır.

Fast food, yarımfabrikatlar, kolbasa ilə xüsusilə diqqətli olmaq lazımdır: “Mən bu məhsullardan tamamilə imtina etməyi tövsiyə edərdim” – Pavlova bildirib.