Çində dünyanın ilk süni intellekt xəstəxanası açılıb. 14 robot həkimdən ibarət heyətlə xəstəxana gündə 3 min xəstəni müalicə edə biləcək.

Aztibb.az www.ntv.com.tr-yə istinadla xəbər verir ki, bir xəstəxanada işləyən robot həkimin bir neçə gün ərzində 10 min xəstəyə baxa bilməsi nəzərdə tutulur. Eyni rəqəmlərə nail olmaq üçün bir insan həkimi iki ildən çox işləməli olacaq.

Pekindəki Tsinghua Universitetinin tədqiqatçıları avtonom qarşılıqlı əlaqə vasitəsilə işləyəcək Agent Xəstəxanası layihəsi üzərində işləyirlər.

Süni intellekt xəstəxanası son inkişaf mərhələsindədir və bu ilin ikinci yarısında xəstələrin qəbuluna başlayacağı gözlənilir.

“Global Times”ın məlumatına görə, süni intellektli həkimlərin cəmi bir neçə gün ərzində 10 min xəstəni müalicə edə biləcəyi düşünülür.

Süni intellekt üzrə həkimlər həmçinin əsas tənəffüs xəstəliklərini əhatə edən MedQA verilənlər bazasında (ABŞ Tibbi Lisenziyalaşdırma İmtahan sualları) böyük 93,06 faiz dəqiqliyə nail ola bilərlər.