23 aprel 2024-cü il tarixində Dövlət Gömrük Komitəsinin Tibbi Xidmət İdarəsinin Elmi Təcrübi və Tədris Mərkəzinin, Mərkəzi Gömrük Hospitalının, “Azərbaycan Qastroenteroloqlar və Hepatoloqlar” İctimai Birliyinin, “Azərbaycan İnfeksion Xəstəlikləri və Kliniki Mikrobiologiya Cəmiyyəti”nin və Abbot şirkətinin birgə təşkilatçılığı ilə "Son mərhələ qaraciyər xəstəliyi və viral hepatitlər" mövzusunda elmi konfrans keçiriləcək.

 

Mərkəzi Gömrük Hospitalından Aztibb.az-a verilən xəbərə görə, konfrans zamanı yüksəkixtisaslı mütəxəssislər tərəfindən viruslu hepatitlərin diaqnostika və müalicəsindəki yeniliklər, qaraciyər sirrozunun diaqnostika və müalicə prinsipləri, hepatorenal sindrom, qaraciyər transplantasiyası və transplantasiyadan sonrakı infeksiyalar barədə təqdimatlar ediləcək və auditoriyanı maraqlandıran suallar cavablandırılacaq.

 

Proqrama uyğun olaraq konfrans pediatr, ümumi cərrah, uşaq cərrahı, terapevt, nefroloq, qastroenteroloq və infeksionist ixtisasına malik həkim və rezidentlər üçün nəzərdə tutulub.

 

Konfransın saat 14:00-dan 18:00-dək əyani olaraq Mərkəzi Gömrük Hospitalının akt zalında, distant olaraq ZOOM platformasında həyata keçirilməsi planlaşdırılır.

 

Tədbir 4 DTT balı ilə qiymətləndirilib.

 

Konfransda iştirak ödənişsizdir. Öncədən qeydiyyatdan keçmək mütləqdir.

 

Qeydiyyatdan keçmək üçün link: https://forms.gle/1xXW7u4WKD5SXtvD8

 

Konfrans barədə əlavə məlumat almaq üçün link: https://customshospital.az/son-merhele-qaraciyer.../