Dünyanın ən güclü MRT cihazı ilə çəkilmiş insan beyninin ən aydın görüntüsü dərc edilib
03.04.2024 10:16

Fransa Atom Enerjisi və Alternativ Enerji Agentliyi (CEA) dünyanın ən güclü maqnit rezonans görüntüləmə (MRT) cihazı ilə əldə edilən insan beyninin ən aydın görüntüsünü dərc edib.

 

Aztibb.az-ın medimagazin.com.tr-yə istinadla məlumatına görə, "Iseult" adlı MRT cihazı ilə çəkilmiş beyin şəklinin 20 ildən çox davam edən araşdırma nəticəsində əldə edildiyi bildirilib.

 

Araşdırmalar çərçivəsində MRT cihazının son bir neçə ayda təxminən 20 sağlam könüllü üzərində sınaqdan keçirildiyi və ən aydın beyin görüntüsünün təxminən 4 dəqiqə ərzində çəkildiyi ifadə edilib.

 

Açıqlamada qeyd olunub ki, 11.7 Tesla maqnit gücünə malik Iseult MRI aparatı ilə qısa müddətdə çəkilən görüntülər xəstəxanalarda çox istifadə edilən cihazlarla əldə etmək saatlar çəkə bilər.