Səhiyyə Nazirliyinin K.Y.Fərəcova adına Elmi-Tədqiqat Pediatriya İnstitutu tərəfindən işğaldan azad edilmiş bölgələrdə uşaqların kompleks tibbi müayinəsinə dair ilk tədbir keçiriləcək.

 

Aztibb.az-ın xəbərinə görə, həmin tədbir fevralın 5-də Füzuli şəhərində baş tutacaq.

Aksiyada Elmi-Tədqiqat Pediatriya İnstitutunun pediatrları, uşaq cərrahı, kardioloq, nevroloq və oftalmoloqları, o cümlədən funksional diaqnostika mütəxəssisləri (USM və Exokardioqrafiya üzrə mütəxəssislər) tərəfindən ödənişsiz olaraq uşaqların ətraflı tibbi müayinələri həyata keçiriləcək.

 

Qeyd edək ki, işğaldan azad edilmiş bölgələrdə yaşayan əhalinin sağlamlığı Səhiyyə Nazirliyinin diqqət mərkəzindədir və tibbi müayinələr, maarifləndirici tədbirlərin mütəmadi olaraq keçirilməsi nəzərdə tutulub.