Səhiyyə Nazirliyinin İctimai Səhiyyə və İslahatlar Mərkəzi (İSİM) tərəfindən Elm və Təhsil Nazirliyinin dəstəyi ilə yanvar ayı ərzində gənclər arasında geniş maarifləndirmə aparılıb.

 

Aztibb.az-a İSİM-dən bildirilib ki, Turizm və Sosial Xidmətlər üzrə Bakı Dövlət Peşə Təhsil Mərkəzi, İctimai İaşə və Xidmət üzrə Bakı Dövlət Peşə Təhsil Mərkəzi, 15 nömrəli və 13 nömrəli peşə məktəbləri, Texnika və Texnologiyalar üzrə Bakı Dövlət Peşə Təhsil Mərkəzi, Sənaye və Yüksək Texnologiyalar üzrə Sumqayıt Dövlət Peşə Təhsil Mərkəzi, Emal Sənayesi üzrə Bakı Dövlət Peşə Təhsil Mərkəzi, Tikinti və Quraşdırma İşləri üzrə Bakı Dövlət Peşə Təhsil Mərkəzi, Rabitə və İnformasiya Texnologiyaları üzrə Bakı Dövlət Peşə Təhsil Mərkəzi və Sənaye və İnnovasiyalar üzrə Bakı Dövlət Peşə Təhsil Mərkəzlərində tələbə qızlar üçün “Körpələrin ana südü ilə qidalandırılmasının əhəmiyyəti” mövzusunda maarifləndirici tədbirlər kecirilib.

 

İSİM-in Layihələrin əlaqələndirilməsi şöbəsinin müdir müavini Ülkər Camalova geniş təqdimatla çıxış edərək reproduktiv sağlamlığın qorunması barədə məlumat verib. Bildirilib ki, ana südü ilə qidalandırma həm ananın, həm də körpənin sağlamlığı üçün faydalıdır, ana südü uşaqların sağlamlığını qoruyaraq xarici mühitin xoşagəlməz təsirlərinə qarşı orqanizmin davamlığını artırır.

 

Yekunda iştirakçıları maraqlandıran suallar cavablandırılıb və İSİM tərəfindən hazırlanaraq çap edilən maarifləndirici materiallar paylanılıb.