İranın paytaxtı Tehranda özəl xəstəxanada səbəbi hələlik müəyyən edilməyən güclü yanğın baş verib.

Aztibb.az-ın medimagazin.com.tr-yə istinadla xəbərinə görə, İran dövlət televiziyasına danışan Tehran Bələdiyyəsinin Yanğın və Təhlükəsizlik Xidmətinin sözçüsü Celal Meleki şəhərin şərqindəki Qandi xəstəxanasında baş verən yanğında ölən və ya yaralanan barədə məlumatın olmadığını bildirib. 

Yanğınsöndürmə briqadalarının yanğına müdaxilə etdiyini deyən Meleki, söndürmə işləri tamamlandıqdan sonra hadisənin təfərrüatlarının açıqlanacağını qeyd edib.

Tehran Təcili Yardım Mərkəzinin rəhbəri Məhəmməd İsmayıl Təvəkkuli də əyalət üzrə bütün təcili yardım qruplarının hazır vəziyyətə gətirildiyini bildirib.

Özəl Qandi Xəstəxanasının baş həkiminin verdiyi açıqlamada, yanğınla əlaqədar xəstəxananın boşaldılmasına başlanıldığı və xəstələrin başqa xəstəxanalara köçürüləcəyi qeyd olunub.