Qəzza Səhiyyə Nazirliyinin sözçüsü Əşrəf əl-Qudra Qəzza zolağının cənubundakı Xan Yunisdəki Nasser xəstəxanasının əməliyyat otaqlarında anesteziya dərmanlarının tükəndiyini açıqlayıb.
Aztibb.az-ın medimagazin.com.tr-yə istinadla məlumatına görə, xəstəxananın son dərəcə çətin şərtlər altında yüzdə 10 kadr potensialı ilə fəaliyyət göstərdiyini deyən Kudra xəstə və yaralılar üçün istifadə edilən ağrıkəsicilərin də bitdiyini qeyd edib. O, xəstəxanadakı yanacaq miqdarının 5 gündən az müddətə kifayət edəcəyini söyləyib.
İsrailin 111 gündür hücumlarını həyata keçirdiyi Qəzza zolağında dərman və tibbi ləvazimat çatışmazlığına dəfələrlə diqqət çəkən Kudra, xəstəxanalarda elektrik avadanlıqlarının istifadəsi üçün yanacağın çatdırılmasının vacibliyinə toxunub.
O, dəfələrlə İsrailin Qəzzanın şimal bölgələrindəki xəstəxanalara etdiyi kimi, Qəzzanın cənubundakı xəstəxanalara da eyni şeyi edəcəyindən narahat olduğunu bildirib.
