BioNTech xərçəng dərmanı üçün tədbirlərə başlayıb
11.01.2024 10:19

COVID-19 epidemiyasına qarşı peyvəndlər hazırlayan ilk şirkətlər arasında olan BioNTech önümüzdəki illərdə xərçəng araşdırmalarına daha çox diqqət yetirəcəyini açıqlayıb.

 

Aztibb.az bu barədə medimagazin.com.tr-yə istinadla bildirir.

 

BioNTech-dən verilən açıqlamada, San Fransiskoda keçirilən JP Morgan səhiyyə konfransında şirkətin baş direktoru və həmtəsisçisi prof. Uğur Şahin hal-hazırda müxtəlif xərçəng növləri üçün qabaqcıl inkişaf mərhələsində araşdırmalar apardıqlarını və 2024-cü ilin sonuna qədər on və ya daha çox potensial təsdiqlə əlaqəli araşdırmalar etməyi hədəflədiklərini söyləyib.

 

U.Şahin "Bu il BioNTech-də mühüm tətbiq ili olacaq, çünki biz 2026-cı ildən gözlənilən ilk onkoloji tətbiqlərimizə doğru innovativ məhsullarımızı genişləndirməyə və inkişaf etdirməyə davam edirik", -  deyə bildirib.

 

Qeyd edilib ki, şirkət bu il əsasən COVID-19 peyvəndlərindən təxminən 3 milyard avro gəlir əldə etməyi hədəfləyir.

Səadət Məmmədova
Müəllifin digər yazıları