ABŞ-ın Nyu-York şəhərində koronavirusun yeni variantına yoluxanların sayı artıb
03.01.2024 09:04

ABŞ-ın Nyu-York şəhərində koronavirusun JN.1 adlı yeni variantına yoluxanların sayı artıb.

 

Aztibb.az "Report"-a istinadla xəbər verir ki, ilk dəfə ABŞ-də sentyabr ayında aşkar edilmiş JN.1 virusuna yoluxanların sayı son iki həftə ərzində kəskin şəkildə çoxalıb.

 

Mütəxəssislər havaların soyuması ilə virusun bu sıçrayışının gözlənilən olduğunu bildiriblər.

 

Yerli ekspertlərin fikrincə, JN.1-in bu sürətlə yayılması onun immun sistemlərində koronavirusun digər variantlardan daha yaxşı ötürülə biləcəyini göstərir. JN.1 infeksiyasının simptomları öskürək, qızdırma, bədən ağrıları və yorğunluq da daxil olmaqla əvvəlki koronavirus variantlarının yaratdığı simptomlara bənzəyir. Xüsusən də yaşlılar, körpələr, immun sistemi zəifləmiş və ya xroniki vəziyyətdə olan insanları üçün virusa yoluxma riski yüksəkdir.

 

ABŞ-nin Xəstəliklərə Nəzarət və Qarşısının Alınması Mərkəzinin yaydığı məlumatda sanitariya-gigiyena qaydalarına riayət etməklə yanaşı maskalardan istifadə, mümkün olduqca qapalı yerlərdə havalandırmanın yaxşılaşdırması, xəstələrə evdə qalmaq və ən son koronavirus peyvəndini almasının vacibliyi qeyd olunub.

 

Səadət Məmmədova
Müəllifin digər yazıları