Tədbiri giriş sözü ilə açan YAP Şəmkir rayon təşkilatının sədri Fəxrəddin Vəliyev YAP-ın yaradılmasının 31-ci ildönümü ilə əlaqədar geniş məruzə ilə çıxış edərək, 1990-cı ilin əvvəllərində Azərbaycanın dərin böhran vəziyyətində olduğunu, bu böhrandan xalqı və dövləti Ulu Öndər Heydər Əliyevin çıxardığını, xalqın ziyalılarının müraciəti ilə 1992-ci il 21 noyabr tarixində Azərbaycanın taleyində çox mühüm rol oynayan Yeni Azərbaycan Partiyasının yarandığını qeyd edib.

 

F.Vəliyev bildirib ki, Yeni Azərbaycan Partiyası özünün 31 illik fəaliyyəti dövründə çox böyük işlər görüb.

 

Konfransda çıxış edən ərazi partiya təşkilatının sədri Roza Orucova qeyd edib ki, Heydər Əliyevin səhiyyənin inkişafı üzrə tədbirlər kompleksinin əsas məqamlarından biri mövcud səhiyyə ocaqlarının abadlaşdırılması, yeni tibb müəssisələrinin tililməsi idi. Eyni zamanda, müassir səhiyyə müəssisələri müvafiq yüksək səviyəli kadr potensialının olmasını da tələb edirdi. “Bu gün Azərbaycan səhiyyəsi özünün yeni bir mərhələsinə qədəm qoyub. Səhiyyəmiz həm dövlət, həm də özəl sektorun payına inkişaf edir. Son illərdə səhiyyə ilə bağlı mühüm dövlət proqramlarının hazırlanaraq həyata keçirilməsi, əhalinin sağlamlığının daha etibarlı şəkildə qorunması, onların ən yüksək səviyyədə tibbi xidmətlərlə əhatə olunması bu istiqamətdə gerçəkləşən siyasətin əsas prioritetlərini təşkil edir”.

 

Daha sonra tədbirdə çıxış edənlər vurğulayıblar ki, bütün zamanlarda ictimai proseslərin önündə yer alan, müstəqil Azərbaycanın tarixində keçirilən seçkilərdə hər zaman böyük qələbələr qazanan Yeni Azərbaycan Partiyası öz uğurlarını həmişə xaqla olan vəhdətindən əldə etmişdir. Çıxışçılar Ulu Öndər Heydər Əliyevin Azərbaycan səhiyyəsinin memarı, qurucusu olduğunu bildiriblər.