Türkiyənin son vaxtlar sağlamlıq turizmində bir mərkəz olmağa başladığı bildirilir.

Aztibb.az trthaber.com-a istinadən xəbər verir ki, Türkiyənin səhiyyə naziri Fahrettin Koca sağlamlıq turizminin əhəmiyyətinə toxunaraq, belə bir qiymətləndirmə edib: "Türkiyə son vaxtlar sağlamlıq turizmində mərkəz olmağa başlayıb. Biz dünyada sağlamlıq turizminin cəmləşdiyi üçüncü ölkə olmağa doğru gedirik. Bpyük marağın olduğunu bilirik. "Health Turkey" markasını hər keçən gün fərqindəyik və Türkiyənin sağlamlıq turizmində daha yüksək pay almasını təmin edirik... 'Health Turkey' brendi ilə həm dövlətin, həm universitetlərin, həm də özəl sektorun bu mənada iştirak etdiyi, hamısının portalda tapıla biləcəyi, girişin asan olduğu bir sistemdən bəhs edirik. Qarşıdakı dövr, xüsusən də bəzi hədəf ölkələrimizdə bu tanıtımları gücləndirəcəyimiz dövr olacaq”.

Nazir Fahrettin Koca vurğulayıb ki, hədəf etdiyimiz ölkələrdə sağlamlıq biznes forumlarını intensivləşdirərək,"Health Turkey" markasını və xəstələrə, müasir informatikaya, tibbi avadanlıqlara və dərmanlara əsaslanan Türkiyə səhiyyə sistemini tanıdacağıq.