Neftçala Rayon Mərkəzi Xəstəxanası "Heydər Əliyev İli” ilə əlaqədar TƏBİB tərəfindən tərtib edilmiş “Tədbirlər planı”na əsasən ucqar yaşayış məntəqələrində tibbi aksiyaları davam etdirir.

Aztibb.az-a Xəstəxanadan verilən xəbərə görə, növbəti aksiya Cəngən kəndində keçirilib.

Tibbi aksiyada həkim-oftalmoloq, otorinolarinqoloq, stomatoloq, terapevt, pediatr tərəfindən müayinələr aparılıb, müəyyən müalicələr yazılıb, bəzi sakinlər daha ixtisaslı müayinə və müalicə üçün Neftçala RMX PHŞ-nə dəvət ediliblər.