Xəstəxanadan Aztibb.az-a verilən məlumata görə, tədbirdə Beyləqan Rayon Mərkəzi Xəstəxanasının direktoru Bayram Muradov Zərifə Əliyevanın zəngin həyat yolu, elmi fəaliyyəti və oftalmologiya sahəsinə verdiyi mühüm töhfələr haqqında çıxış edib. O, akademikin Azərbaycan səhiyyəsinin inkişafında mühüm rol oynadığını, öz peşəkarlığı və insanpərvərliyi ilə hər zaman nümunə olduğunu vurğulayıb.

 

Daha sonra tədbir iştirakçılarına Zərifə Əliyevanın həyat və yaradıcılığına həsr olunmuş videoçarx nümayiş etdirilib. Videoçarxda onun elmi nailiyyətləri, pedaqoji fəaliyyəti və insanlara göstərdiyi xidmətlər geniş şəkildə əks olunub.

 

Tədbir iştirakçıları böyük alimə dərin hörmət və ehtiramlarını ifadə edərək, onun irsinin gələcək nəsillər üçün daim örnək olduğunu qeyd ediblər.