ABŞ prezidenti Donald Trampa ayaqlarındakı şişlikdən sonra xroniki venoz çatışmazlığı diaqnozu qoyulduğu bildirilir.

Bu barədə Aztibb.az medimagazin.com.tr-yə istinadla xəbər verir.

Ağ Evin mətbuat katibi Karolin Leavitt ABŞ prezidenti Donald Trampın əllərindəki göyərmə və ayaqlarındakı şişləri şərh edib. O, hərtərəfli tibbi müayinənin xroniki venoz çatışmazlığı aşkar etdiyini, xüsusilə 70 yaşdan yuxarı insanlarda rast gəlinən bir vəziyyət olduğunu bildirdi.

K.Leavitt izah edib ki, Trampın əllərindəki göyərmələr əl sıxması nəticəsində yaranıb. O, bütün digər laboratoriya müayinələrinin normal olduğunu və səhhətinin əla olduğunu vurğulayıb. Bildirib ki, Trampın ayaqlarındakı şişkinlik ona heç bir narahatlıq yaratmır və dövlət başçısı işinə davam edir.