Yay aylarında yüksək temperatur yalnız havanı deyil, bakteriyaları da “canlandırır”. Sərin saxlanılmayan və ya düzgün bişirilməyən qidalar sürətlə bakteriya yuvasına çevrilərək qida zəhərlənməsinə və qastroenterit adlanan bağırsaq infeksiyalarına səbəb ola bilər.

Bu barədə Aztibb.az-a  Şirvan Şəhər Mərkəzi Xəstəxanasının Təcili Tibbi Yardım şöbəsinin müdiri Yusif Müxtəsimov bildirib.

Onun sözlərinə görə, yay qastroenteriti adətən virus, bakteriya və ya parazitlər səbəbindən yaranan mədə-bağırsaq sisteminin kəskin infeksiyasıdır. Xüsusilə rotavirus, E. coli, salmonella, campylobacter kimi mikroorqanizmlər buna səbəb olur.