Abşeron Rayon Mərkəzi Xəstəxanası" publik hüquqi şəxsin 2025-ci il üçün təsdiq edilmiş Tədbirlər Planına uyğun olaraq 25.06.2025-ci il tarixində Ceyranbatan Ailə Sağlamlıq Mərkəzində tibbi aksiya keçirilib.

Xəstəxanadan Aztibb.az-a bildirilib ki, sakinlərin tibbi xidmətlərini əlçatanlığını təmin etmək üçün xəstəxananın ixtisaslı mütəxəssisləri cəlb edilib -(kardioloq, endokrinoloq, nevroloq, cərrah, oftalmoloq, radioloq). Ultrasəs (USM), elektorkardiogramm (EKQ), laboratoriya və s. kimi xidmətlər olmaqla ümumilikdə 310 nəfərə 435 xidmət göstərilib.

Aksiyada qəsəbə sakinləri ixtisaslı həkimlərə müraciət edərək, tibbi xidmətdən yüksək səviyyədə faydalanıblar.

Həmçinin keçirilən aksiyanın yüksək şəkildə təşkil olunması və xidmət keyfiyyətinə nəzarət etmək üçün Abşeron Rayon Mərkəzi Xəstəxanasının İlkin səhiyyə xidməti üzrə direktor müavini Kazım Məmmədov və İlkin səhiyyə xidməti şöbəsinin müdiri Faris Musayev iştirak edib.

Xatırladaq ki, layihənin məqsədi rayonun müxtəlif ərazilərində yaşayan vətəndaşlara yerində, daha əlçatan və keyfiyyətli xidmətin göstərilməsidir. Səyyar təşkil olunan bu aksiyaların mütəmadi olaraq icrası planlaşdırılır.