Milli Məclisin Səhiyyə Komitəsinin sədr müavini, Dövlət Gömrük Komitəsi Tibbi Xidmət İdarəsinin Elmi-Təcrübi və Tədris Mərkəzinin rəisi, tibb elmləri doktoru Rəşad Mahmudov Mərkəzi Gömrük Hospitalında müalicə alan tanınmış sənətkar, Xalq artisti Zaur Rzayevi ziyarət edib.

 

Aztibb.az xəbər verir ki, bu barədə Rəşad Mahmudov feysbuk səhifəsində paylaşım edib.

 

Paylaşımda deyilir: "Azərbaycan mədəniyyətinin əvəzsiz simalarından biri, tanınmış sənətkar Zaur Rzayev hal-hazırda xəstəxanamızda müalicə alır. Onun sağlamlığının bərpası üçün bütün imkanların səfərbər olunması dövlətimizin, xüsusilə də Mehriban xanım Əliyevanın rəhbərlik etdiyi Heydər Əliyev Fondunun diqqət və qayğısı ilə əhatələnmişdir. Müalicə prosesi ilə bağlı Prezidentin köməkçisi cənab Anar Ələkbərovun, DGKTXİ rəisi Ceyhun Məmmədovun, baş həkim Bəxtiyar Musayevin və bütün xəstəxana personalının vaxtaşırı diqqəti və qayğısı sənətə və sənətkara verilən dəyərin bariz nümunəsidir.

 

Mən də bu gün dəyərli sənətkarımızı ziyarət etdim. Müalicə ilə əlaqəli tövsiyələrimi verdim.

 

Zaur müəllimə can sağlığı arzulayır və ən qısa zamanda sağalaraq sevdiklərinə qovuşmasını Allahdan diləyirəm. Dəyərlərimizə sahib çıxan hər kəsə bir daha dərin təşəkkürümü bildirirəm!"