Ənənəvi pəhrizlər nəticə vermədikdə və hormonal balanssızlıqlar arıqlamağa mane olduqda, bir çox insan bundan imtina edir. Lakin Hindistan sakini Anjani Bhoc problemi həll etmək üçün gözlənilməz bir yol tapdı - o, ChatGPT-yə müraciət edib

Aztibb.az-ın www.timesnownews.com-a istinadla məlumatına görə, o, süni intellektin köməyi ilə fərdi qidalanma və idman planına əməl edərək 40 gündə 5 kiloqram arıqlayıb.

Anjani Bhoc İnstaqram hesabında bildirib ki, ChatGPT ona radikal kardio və pəhriz saxlamadan aydın və balanslı bir plan verib: "Polikistik yumurtalıq sindromu (PCOS) arıqlamağı xüsusilə çətinləşdirən bir vəziyyətdir: şişkinlik, şəkər istəyi, yorğunluq və "inadkar piy" mənim mübarizə apardığım şeylərdir. Həftədə 5 dəfə məşq edirəm, toyuq, yumurta, reyhan toxumu, salatlar və zərdab zülalı yeyirəm".

40 gün ərzində Anjani nəinki bədənini dəyişdirib, həm də özünə inam, nizam-intizam və ruhun gücü qazanıb.