Hamiləlik dövründə sağlam və balanslı qidalanma həm ana, həm də körpə üçün həyati əhəmiyyət daşıyır. Bu dövrdə düzgün seçilmiş qida rasionu körpənin inkişafını dəstəkləyir, ananın immun sistemini gücləndirir və riskli halların qarşısını alır.

 

Aztibb.az xəbər verir ki, bu barədə TƏBİB-in feysbuk səhifəsində maarifləndirici məumat paylaşılıb.

 

Məlumatda deyilir: "Hamiləlik zamanı düzgün qidalanmamaq:

Anemiyaya (qan azlığı) və halsızlığa;

Körpənin normadan az çəki ilə doğulmasına;

Ana və uşaq üçün vitamin-mineral çatışmazlığına;

Şəkərli diabet və yüksək qan təzyiqi kimi problemlərə səbəb ola bilər.

 

Hamilə qadının rasionunda protein (yumurta, süd məhsulları, ət), lif (meyvə, tərəvəz), dəmir və fol turşusu ilə zəngin məhsullar mütləq yer almalıdır. Qazlı içkilərdən, konservləşdirilmiş və çox duzlu-qızardılmış yeməklərdən uzaq durmaq tövsiyə olunur".