“Göygöl Rayon Mərkəzi Xəstəxanası” publik hüquqi şəxsdə 10 saylı Regional Ekologiya və Təbii Sərvətlər İdarəsinin əməkdaşları tərəfindən “Konstitusiya və Suverenlik ili” çərçivəsində “Tibbi tullantıların idarə edilməsi” mövzusunda maarifləndirici görüş təşkil olunub.

 

Xəstəxanadan Aztibb.az-a bildirilib ki, görüşdə tibbi tullantıların düzgün toplanması, çeşidlənməsi, saxlanması və utilizasiyası ilə bağlı müvafiq qanunvericilik tələbləri barədə məlumat verilib. Tibbi tullantıların ətraf mühitə və insan sağlamlığına mənfi təsirlərinin qarşısının alınması üçün zəruri tədbirlər və praktiki yanaşmalar iştirakçılara ətraflı şəkildə izah olunub.

 

Maarifləndirici tədbirin məqsədi – tibb müəssisələrində tullantıların idarə olunması sahəsində bilik və məsuliyyətin artırılmasıdır.