Təlimdə bir sıra aidiyyəti dövlət qurumları ilə yanaşı, Respublika Təcili və Təxirəsalınmaz Tibbi Yardım Mərkəzi də fəal iştirak edib.

 

Bu məlumat Aztibb.az-a Mərkəzdən verilib.

 

Bildirilib ki, Respublika Təcili və Təxirəsalınmaz Tibbi Yardım Mərkəzi tərəfindən təlimə 5 təcili tibbi yardım briqadası cəlb olunub. Briqadalar fövqəladə hallar zamanı yaralıların çeşidlənməsi, onlara zəruri tibbi xidmətin göstərilməsi, vaxtında tibb müəssisələrinə təxliyə olunması və operativ reaksiya bacarıqlarının nümayişi üzrə praktiki fəaliyyətlərə cəlb olunublar.

 

Bu cür təlimlər fövqəladə hallar zamanı operativ cavabvermə imkanlarının artırılması, peşəkar vərdişlərin təkmilləşdirilməsi və müvafiq qurumlar arasında koordinasiyanın möhkəmləndirilməsi baxımından xüsusi əhəmiyyət kəsb edir.