Burun qanaxması gözlənilmədən baş verə bilər.

Aztibb.az xəbər verir ki, bütün insanların burun qanaxması zamanı ilk səhvi ondan ibarətdir ki, onlar başı geri uzatmaqla qanaxma dayanana qədər gözləyirlər. Əslində bunu etmək tamamilə yanlışdır. Bu vəziyyətdə qanın boğazın arxasına axma riski var. İnsanı geriyə qayıdan qan boğa bilər (belə hallara tez-tez rast gəlinir).

İlk görülməli olan tədbir başı bir qədər qabağa əymək və ya oturmaq lazımdır. Qanama kiçik olarsa, burun qanadlarını barmaqlarınızla tutmaq və bir neçə dəqiqə gözləmək kifayətdir. Bundan əlavə, burunun yuxarı hissəsinə buz qoymaq lazımdır. Bu, qan axmanın qarşısını alacaq. Ancaq qanın burundan axması dayanmırsa, pambıqdan 3 sm uzunluğunda tampon hazırlamaq və burun keçidlərinə yerləşdirmək lazımdır.

Daha yaxşı təsir üçün hidrogen peroksiddə isladılmış tamponlardan istifadə etmək təklif olunur. Əgər qanaxma şiddətlənərsə, burun tamponlarını çıxarmağa tələsməyin. Adətən onları 1,5-2 saat saxlamaq gərəklidir. Tamponlar çıxarılan zaman xüsusi diqqətlə çıxarmaq lazımdır ki, burun kapillyarlarında qurumuş qan yenidən qanaxmaya səbəb olmasın. Qanaxma dayanana kimi nəfəs alış-verişi dərindən və asta-asta olmalıdır. Bəsit hesab etdiyimiz qanaxma bəzən təhlükəli xəstəliyin xəbərçisi ola bilir.