Göyçay Rayon Mərkəzi Xəstəxanasında daha bir körpənin həyatı xilas edilib.

Xəstəxanadan Aztibb.az-a verilən məlumata görə, hamilədə dölyani mayenin vaxtından əvvəl açılması səbəbi ilə 34 həftəlik körpə dünyaya gəlib. İlkin müayinə zamanı körpənin vəziyyəti ağır olduğundan, körpəyə küvez rejimi, manitor nəzarəti, tənəffüs dəstəyi olunub. Bununla yanaşı, döş qəfəsinin RQ-si olunub, mütəmadi olaraq qan dəyərlərinə baxılıb.

Perinatal dövrdə meydana çıxan digər dəqiqləşmiş pozğunluqlar, (yeni doğulmuşun tənəffüs pozğunluğu, vaxtından əvvəl yenidoğulmuş, digər dəqiqləşmiş səbəblərlə əlaqədar neonatal sarılıq) diaqnozu ilə müalicə aparılıb. Aparılan müalicələrdən sonra vəziyyəti kafi qiymətləndirilən körpə ambulator müalicə üçün evə buraxılıb.

Körpənin valideyni Pərvanə Məmmədova Göyçay Rayon Mərkəzi Xəstəxanasının Ginekologiya və Doğum şöbəsinin kollektivinə, həkim-neanatoloq Nərmin İbrahimovaya, bu şəraiti yaratdığına görə rəhbərliyə və TƏBİB-ə təşəkkürünü bildirib.