59 yaşlı vətəndaş 07.07.2025-ci il tarixində makrohematuriya (gözlə görünən qanlı sidik) və sidik kisəsi törəməsi diaqnozları ilə Kliniki Tibbi Mərkəzə (KTM) qəbul olunub.

Mərkəzdən Aztibb.az-a bildirilib ki, aparılan müayinələr zamanı sidik kisəsində törəmə (polip) aşkarlanıb və xəstəyə endoskopik üsulla TUR-B (sidik kisəsi törəməsinin transuretral rezeksiyası) əməliyyatı təyin olunub.

Əməliyyat həkim-uroloq Araz İbrahimov tərəfindən, Urologiya şöbəsinin həkim-rezidentləri Elgün Məmmədov və Rəşid Novruzovun iştirakı ilə icra olunub. Sidik kanalından xüsusi cihazla daxil olunaraq törəmə tam şəkildə çıxarılıb.

Uğurlu əməliyyat və müalicə prosedurlarından sonra xəstənin vəziyyəti stabilləşib və qənaətbəxş vəziyyətdə ambulator müalicə üçün evə buraxılıb.